Ընդհանուր տեղեկություններ
Սույն ուղեցույցում ներկայացված պատկերները կարող
են տարբերվել Ձեր սարքի էկրանին ցուցադրվածներից:
i)Դուք կարող եք ուղարկել տեքստային
հաղորդագրություններ, որոնք ավելի երկար են, քան մեկ
հաղորդագրության թույլատրելի նիշերի քանակը:
Երկար հաղորդագրություններն ուղարկվում են երկու
կամ ավելի հաղորդագրությունների տեսքով: Այդ
դեպքում ծառայություն մատուցողը կարող է
համապատասխան վարձ գանձել:
Շեշտերով նշանագրերը, այլ նշաններ կամ որոշ
լեզուների ընտրանքներ սովորականից ավելի տեղ են
զբաղեցնում՝ սահմանափակելով մեկ
հաղորդագրությամբ ուղարկվող նիշերի քանակը:
Նկար-հաղորդագրությունների տեսքը տարբեր
սարքերում կարող է տարբեր լինել:
Ռադիո ունկնդրելու համար հարկավոր է սարքին
միացնել համատեղելի գլխային հեռախոս: Գլխային
հեռախոսը կատարում է ալեհավաքի դեր:
iv)Որոշ լեզուներով հաղորդագրություններ ուղարկելն
ու ստանալը ցանցային ծառայություն է:
Ծառայությունների մատչելիությունը պարզելու համար
դիմեք ծառայություն մատուցողին:
Հաղորդագրություններն ուղարկեք միայն այն
սարքերին, որոնք ապահովում են ընտրված լեզուն:
Ցանցային ծառայություններ և ծախսեր
Ձեր սարքը հաստատված է EGSM 900 և 1800 ՄՀց
օգտագործելու համար հարկավոր է բաժանորդագրվել
ծառայություններ մատուցողին:
Ցանցային ծառայություններ օգտագործելը և Ձեր
սարքի մեջ բովանդակություն ներլցնելը ցանցային
միացում է պահանջում և կարող է հանգեցնել
տվյալների հոսքի ծախսերի: Արտադրանքի որոշ
գործառական հնարավորություններ պահանջում են
ցանցային աջակցություն, և հարկ կլինի դրանց
բաժանորդագրվել:
Խնամեք Ձեր սարքը
Ձեր սարքի, մարտկոցի, լիցքավորիչի և լրասարքերի
հետ վարվեք խնամքով: Հետևյալ խորհուրդները կօգնեն
ուժի մեջ պահել արտադրողի երաշխիքը:
•
Սարքը չոր պահեք: Տեղումները, խոնավությունը և
հեղուկների բոլոր տեսակները կարող են տարրեր
պարունակել, որոնք քայքայում են էլեկտրոնային
սխեմաները: Եթե սարքը թրջվել է, մարտկոցը հանեք և
սպասեք, մինչև սարքը չորանա:
•
Սարքը չի կարելի փոշոտ կամ կեղտոտ վայրերում
պահել կամ օգտագործել: Շարժական մասերն ու
էլեկտրոնային բաղադրամասերը կարող են վնասվել:
•
Սարքը չի կարելի պահել բարձր ջերմաստիճանի
պայմաններում: Բարձր ջերմաստիճանները նվազեցնում
են սարքի շահագործման ժամկետը, վնասում մարտկոցը,
ծռմռում կամ հալեցնում պլաստմասսայե տարրերը:
•
Սարքը չի կարելի պահել ցածր ջերմաստիճանի
պայմաններում: Երբ սարքը ցածր ջերմաստիճանից
տաքանում է մինչև իր բնական ջերմաստիճանը, սարքի
ներսում կարող է խոնավություն հավաքվել և վնասել
էլեկտրոնային շղթաները:
•
Մի փորձեք բացել սարքը այլ կերպ, քան
նկարագրված է օգտագործողի ուղեցույցում:
•
Չլիազորված փոփոխությունները կարող են
վնասել սարքը և խախտել ռադիոսարքերի
օգտագործումը կանոնակարգող օրենքները:
•
Սարքը վայր մի գցեք, մի ցնցեք, հարվածի մի
ենթարկեք: Կոպիտ վերաբերմունքը կարող է կոտրել
ներքին տպատախտակները և մեխանիկական
բաղադրամասերը:
27
ցանցերերում օգտագործման համար: Սարքն
iii)Լապտերի լույսը մի ուղղեք մարդկանց աչքերին:
ii)
•
Սարքի մակերևույթը մաքրելու համար
օգտագործեք միայն փափուկ, մաքուր, չոր շոր:
•
Սարքը չի կարելի ներկել: Ներկը կարող է
խցանվել շարժական մասերի միջև` խափանելով սարքի
պատշաճ աշխատանքը:
•
Սարքի աշխատանքը բարելավելու նպատակով
ժամանակ առ ժամանակ անջատեք սարքը և հանեք
մարտկոցը:
•
Ձեր սարքը հեռու պահեք մագնիսներից և
մագնիսական դաշտերից:
•
Կարևոր տվյալներն ապահով պահելու համար
դրանք պահեք առնվազն երկու առանձին տեղում,
ինչպիսիք են Ձեր սարքը, հիշաքարտը կամ
համակարգիչը, կամ գրի առեք կարևոր տեղեկույթները:
Վերամշակում
Ձեր օգտագործած էլեկտրոնային արտադրանքները,
մարտկոցները և փաթեթավորման նյութերը միշտ
վերադարձրեք հատուկ դրանց համար նախատեսված
հավաքման կետեր: Այս կերպ Դուք կօգնեք կանխել
թափոնների չվերահսկվող հեռացումը և կնպաստեք
նյութական պաշարների վերաօգտագործմանը: Շրջակա
միջավայրի պահպանության վերաբերյալ
տեղեկություններ ստանալու և պարզելու համար, թե
ինչպես վերամշակել Nokia արտադրանքները, այցելեք
www.nokia.com/werecycle:
Խաչանշված անվավոր աղբարկղ
Արտադրանքի, մարտկոցի, տպագիր նյութերի կամ
փաթեթավորման վրա խաչանշված անվավոր աղբարկղի
պատկերը հիշեցնում է, որ բոլոր էլեկտրական և
էլեկտրոնային արտադրանքները, մարտկոցները և
կուտակիչները, իրենց շահագործման ժամկետի
ավարտից հետո, պետք է հանձնվեն հատուկ ընդունման
կետերին: Այս պահանջը գործում է Եվրամիության
տարածքում: Դեն մի նետեք այս նշանով
պիտակավորված արտադրանքը` որպես
չտեսակավորված կենցաղային աղբ: Ձեր սարքի
բնապահպանական հատկանիշների վերաբերյալ
լրացուցիչ տեղեկությունների համար տե՛ս
www.nokia.com/ecodeclaration:
Մարտկոցներ և լրասարքեր
Տեղեկություններ մարտկոցի և լիցքավորիչի
վերաբերյալ
Ձեր սարքը նախատեսված է BL-5CB կուտակչային
մարտկոցի հետ օգտագործելու համար: Nokia-ն կարող
է այս սարքի համար մարտկոցների լրացուցիչ մոդելներ
արտադրել: Օգտագործեք միայն Nokia-ի բնօրինակ
մարտկոցներ:
Սույն սարքը նախատեսված է հետևյալ
լիցքավորիչներով օգտագործվելու համար՝ AC-3:
Nokia լիցքավորիչի մոդելի ճշգրիտ համարը կարող է
տարբեր լինել՝ խրոցակի տիպից կախված, և որոշվում
է E, X, AR, U, A, C, K կամ B տառերով:
Մարտկոցը կարելի է հարյուրավոր անգամներ
լիցքավորել և լիցքաթափել, բայց ի վերջո այն
կենթարկվի բնականոն մաշվածության: Երբ նկատեք, որ
խոսակցության և սարքի՝ սպասելու ռեժիմում գտնվելու
ժամանակահատվածները սովորականից նկատելիորեն
ավելի կարճ են դարձել, ապա փոխեք մարտկոցը:
Մարտկոցի անվտանգություն
Մարտկոցը հանելուց առաջ սարքը միշտ անջատեք և
լիցքավորիչից զատեք: Լիցքավորիչը կամ լրասարքը
խրոցակից անջատելիս բռնեք և քաշեք խրոցակի
երկժանին, այլ ոչ թե լարը:
Երբ լիցքավորիչը չի օգտագործվում, այն անջատեք
էլեկտրական խրոցակից և սարքից: Ամբողջությամբ
28
լիցքավորված մարտկոցը լիցքավորիչին միացված մի
թողեք, քանի որ գերլիցքավորումը կարող է կրճատել
մարտկոցի շահագործման ժամկետը: Չօգտագործվելու
դեպքում ամբողջությամբ լիցքավորված մարտկոցը
ժամանակի ընթացքում լիցքաթափվում է:
Մարտկոցը միշտ պահեք 15°C-ից մինչև 25°C (59°F
և 77°F) ջերմաստիճանում: Ծայրահեղ բարձր կամ
ցածր ջերմաստիճանները նվազեցնում են մարտկոցի
հզորությունը և կրճատում շահագործման ժամկետը:
Տաք կամ սառը մարտկոցով սարքը կարող է
ժամանակավորապես չաշխատել:
Պատահական կարճ միացում կարող է տեղի ունենալ,
եթե մետաղական որևէ իր դիպչի մարտկոցի մետաղյա
շերտերին, օրինակ՝ եթե պահեստային մարտկոց եք
կրում ձեր գրպանում: Կարճ միացումը կարող է վնասել
մարտկոցը կամ իրը, որը կարճ միացում է առաջացրել:
Մարտկոցը կրակի մեջ մի գցեք, քանի որ այն կարող է
պայթել: Մարտկոցները դեն գցելիս գործեք տեղական
իրավական ակտերի համաձայն: Եթե հնարավոր է,
մարտկոցը հանձնեք վերամշակման: Մարտկոցը դեն մի
նետեք որպես կենցաղային աղբ:
Էլեմենտները կամ մարտկոցները չպետք է կազմատել,
կտրել, բացել, փշրել, ճկել, ծակել կամ կոտրատել:
Մարտկոցի արտահոսքի դեպքում թույլ մի տվեք, որ
մարտկոցի հեղուկը մաշկին կամ աչքերին դիպչի: Եթե
դա պատահի, վնասված մակերեսներն անմիջապես
լվացեք ջրով կամ դիմեք բժշկի օգնությանը:
Մարտկոցը չի կարելի ձևափոխել, վերամշակել: Չի
կարելի փորձել օտար առարկաներ մտցնել մարտկոցի
մեջ, այն ընկղմել ջրի կամ այլ հեղուկների մեջ կամ
ենթարկել այդպիսի ազդեցության: Վնասվելու դեպքում
մարտկոցները կարող են պայթել:
Մարտկոցն ու լիցքավորիչը օգտագործեք միայն իրենց
նպատակային նշանակությամբ: Անպատշաճ
օգտագործումը կամ հաստատում չստացած
մարտկոցների շահագործումը կարող է հրդեհի,
պայթյունի կամ այլ վտանգավոր իրադրության պատճառ
դառնալ և անվավեր դարձնել հաստատումները կամ
երաշխիքները: Եթե կարծում եք, որ մարտկոցը կամ
լիցքավորիչը վնասված է, նախքան օգտագործումը
շարունակելը այն տարեք սպասարկման կենտրոն՝
զննման համար: Երբեք մի օգտագործեք վնասված
մարտկոց կամ լիցքավորիչ: Լիցքավորիչն օգտագործեք
միայն սենյակում կամ բնակարանում:
Լրացուցիչ տեղեկություններ անվտանգության
վերաբերյալ
Արտակարգ իրավիճակների կանչ կատարելը
1. Համոզվեք, որ սարքը միացված է:
2. Համոզվեք, որ ազդանշանի հզորությունը
բավարար է: Գուցե հարկ լինի անել նաև հետևյալը՝
•
Մտցրեք SIM քարտ:
•
Ապաակտիվացրեք կանչի սահմանափակումները,
որոնք ակտիվացրել եք Ձեր սարքի համար, ինչպիսիք են
կանչի արգելափակումը, ամրագրված համարահավաքը
կամ փակ օգտվողների խումբը:
•
Համոզվեք, որ օֆլայն կամ թռիչքային պրոֆիլը
ակտիվացված չէ:
3. Մի քանի անգամ սեղմեք ավարտի ստեղնը, մինչև
հիմնական էկրանը ցուցադրվի:
4. Մուտքագրեք Ձեր գտնվելու վայրի՝ արտակարգ
իրավիճակների կառավարման կենտրոնի պաշտոնական
հեռախոսահամարը: Արտակարգ իրավիճակների
կանչերի կառավարման կենտրոնների համարները
կարող են, գտնվելու վայրից կախված, տարբեր լինել:
5. Սեղմեք զանգահարելու ստեղնը:
6. Անհրաժեշտ բոլոր տեղեկությունները հաղորդեք
հնարավորինս ճշգրիտ: Հեռախոսազանգը մի ընդհատեք
մինչև թույլտվություն չստանաք:
29
Կարևոր է. Ակտիվացրեք բջջային և
ինտերնետային կանչերը, եթե Ձեր սարքն ապահովում է
ինտերնետային կանչերի հնարավորություն: Սարքը
կարող է փորձել արտակարգ իրավիճակների կանչեր
կատարել և՛ բջջային ցանցի, և՛ ինտերնետային կանչի
ծառայություններ տրամադրողի միջոցով: Բոլոր
դեպքերում չէ, որ միացումները կարող են
երաշխավորված լինել: Կարևոր դեպքերում, օրինակ՝
բժշկական շտապ օգնություն կանչելու
անհրաժեշտության դեպքում երբեք, հույսը ամբողջովին
մի դրեք անլար սարքի օգտագործման վրա:
Փոքր երեխաներ
Ձեր սարքը կամ իր լրասարքերը խաղալիք չեն: Դրանք
կարող են փոքր մասեր պարունակել: Դրանք փոքր
երեխաներից հեռու պահեք:
Բժշկական սարքավորումներ
Ռադիոհաղորդիչ սարքավորման աշխատանքը`
ներառյալ անլար հեռախոսները, կարող է խանգարել
բավարար պաշտպանություն չունեցող բժշկական
սարքերի աշխատանքին: Խորհրդակցեք բժշկի կամ
բժշկական սարքավորման արտադրողի հետ՝ պարզելու
համար, թե արդյո՞ք այդ սարքերը բավարար
պաշտպանություն ունեն ռադիոհաճախության արտաքին
էներգիայից:
Իոնային ներկալման եղանակով պատրաստված
բժշկական սարքավորումներ
Բժշկական սարքավորումներ արտադրողները խորհուրդ
են տալիս առնվազն 15.3 սանտիմետր (6 դյույմ)
տարածություն պահպանել անլար սարքի և իոնային
ներկալման եղանակով պատրաստված բժշկական
սարքավորումների միջև (ինչպիսիք են սրտի
ռիթմավարը կամ սրտամկանի թելիկախաղը վերացնող
էլեկտրական սարքը)` բժշկական սարքի աշխատանքի
հնարավոր խաթարումից խուսափելու համար: Այդպիսի
սարքավորումներ կրող անձինք պետք է.
•
Անլար սարքը միշտ ավելի քան 15.3 սանտիմետր
(6 դյույմ) հեռու պահեն բժշկական սարքից:
•
Սարքը չպահեն ծոցագրպանում:
•
Անլար սարքը պահեն բժշկական սարքավորման
նկատմամբ հակառակ ականջի մոտ:
•
Անջատեն անլար սարքը, եթե այդպիսի
ազդեցության առկայությունը ենթադրելու հիմքեր կան:
•
Հետևեն արտադրողի՝ իոնային ներկալման
եղանակով պատրաստված բժշկական սարքավորման
վերաբերյալ ցուցումներին:
Ձեր անլար սարքը բժշկական սարքավորման հետ
օգտագործելու վերաբերյալ հարցեր ունենալու դեպքում
խորհրդակցեք Ձեզ բժշկական ծառայություններ
մատուցող անձի հետ:
Լսողություն
Ուշադրություն. Գլխային հեռախոս
օգտագործելը կարող է սահմանափակել արտաքին
ձայներ լսելու Ձեր ունակությունը: Գլխային
հեռախոսից մի օգտվեք այն դեպքերում, երբ դա կարող
է սպառնալիք ստեղծել Ձեր անվտանգության համար:
Որոշ անլար սարքեր կարող են խանգարել որոշ
լսողական օժանդակ սարքերի աշխատանքին:
Նիկել
Սույն սարքի մակերևույթը նիկել չի պարունակում:
Ձեր սարքը պաշտպանեք վնասակար
բովանդակությունից
Սարքը կարող է ենթարկվել վիրուսների և այլ
վնասակար բովանդակության ազդեցության: Ձեռնարկեք
հետևյալ նախազգուշական քայլերը.
30
•
Զգույշ եղեք հաղորդագրությունները բացելիս:
Դրանք կարող են վնասակար ծրագրեր պարունակել կամ
այլ կերպ վնասակար ազդեցություն ունենալ Ձեր սարքի
կամ համակարգչի վրա:
•
Զգուշություն ցուցաբերեք միացման հարցումներ
ընդունելիս, ինտերնետը զննարկելիս և
բովանդակություն ներլցնելիս:
•
Ծառայություններ կամ ծրագրակազմ տեղադրեք և
օգտագործեք միայն այն աղբյուրներից, որոնց վստահում
եք և որոնք ապահովում են համապատասխան
անվտանգություն և պաշտպանություն:
•
Ձեր սարքում և դրան միացված համակարգչում
տեղադրեք հակավիրուսային և անվտանգության այլ
ծրագրեր: Միաժամանակ օգտագործեք միայն մեկ
հակավիրուսային ծրագիր: Ավելի շատ այդպիսի
ծրագրերի օգտագործումը կարող է բացասաբար ազդել
սարքի և (կամ) համակարգչի աշխատանքի և
կատարողական բնութագրերի վրա:
•
Եթե մուտք եք գործում երրորդ անձանց
ինտերնետային կայքերին միանալու համար նախապես
տեղադրված էջանիշեր ու հղումներ, ձեռնարկեք
պատշաճ նախազգուշական միջոցառումներ: Nokia-ն
այդպիսի կայքերի համար որևէ պատասխանատվություն
չի ստանձնում կամ ենթադրում:
Աշխատանքային միջավայր
Սույն սարքը բավարարում է ՌՀ ճառագայթման
պահանջներին, եթե օգտագործվում է նորմալ դիրքում՝
ականջի մոտ, կամ երբ տեղակայված է մարմնից
առնվազն 1.5 սանտիմետր (5/8 դյույմ) հեռավորության
վրա: Տեղափոխման պայուսակը, գոտու ամրակը կամ
սարքը մարմնի վրա շահագործելու համար
նախատեսված որևէ կրիչ չպետք է մետաղ պարունակի
և պետք է սարքը մարմնից նշված հեռավորության վրա
պահի:
Տվյալներ պարունակող ֆայլեր կամ
հաղորդագրություններ ուղարկելը ցանցի հետ որակյալ
կապ է պահանջում: Տվյալների ֆայլերի կամ
հաղորդագրությունների ուղարկումը կարող է
հետաձգվել, մինչև այդպիսի կապը առկա լինի: Մինչև
տվյալների փոխանցման ավարտը կատարեք
հեռավորությանը վերաբերող հրահանգները:
Ավտոմեքենաներ
Ռադիոազդանշանները կարող են ազդել
ավտոմեքենաներում սխալ տեղակայված կամ ոչ
պատշաճ կերպով պաշտպանված էլեկտրոնային
համակարգերի վրա (վառելիքի էլեկտրոնային
ներարկման, էլեկտրոնային հակախաթարման
արգելակային, արագության կառավարման
էլեկտրոնային և անվտանգության բարձիկների
համակարգեր): Լրացուցիչ տեղեկությունների համար
դիմեք Ձեր մեքենայի կամ սարքավորանքի արտադրողին:
Միայն որակավորված անձնակազմը պետք է սարքը
տեղադրի ավտոմեքենայի մեջ: Սխալ տեղադրումը կամ
սպասարկումը կարող է վտանգավոր լինել և անվավեր
դարձնել սարքի երաշխիքը: Պարբերաբար ստուգեք, որ
Ձեր ավտոմեքենայում տեղադրված անլար բոլոր
սարքավորումները պատշաճորեն ամրացված և սարքին
լինեն: Սարքի, դրա մասերի կամ լրասարքերի հետ նույն
խցիկում չի կարելի դյուրավառ հեղուկներ, գազեր կամ
պայթուցիկ նյութեր պահել: Հիշեք, որ անվտանգության
բարձիկները մեծ ուժով են փչվում: Ձեր սարքը կամ
լրասարքերը մի՛ տեղադրեք անվտանգության բարձիկի
բացման տարածքում:
Հնարավոր պայթյունավտանգ միջավայրեր
Սարքն անջատեք հնարավոր պայթյունավտանգ
միջավայրերում, օրինակ՝ տեխնիկական սպասարկման
կայաններում գազապոմպերի մոտ: Նման վայրերում
կայծը կարող է պայթյունի կամ հրդեհի հանգեցնել, ինչը
կարող է պատճառել մարմնական վնասվածքներ և մահ:
Հետևեք սահմանափակումներին վառելիքի լցման
կայաններում, պահեստավորման և բաշխման
31
վայրերում, քիմիական գործարաններում կամ այն
վայրերում, որտեղ պայթեցման աշխատանքներ են
կատարվում: Հնարավոր պայթյունավտանգ միջավայր
ունեցող տարածքները սովորաբար, բայց ոչ միշտ,
հստակորեն նշված են լինում: Դրանք ներառում են այն
վայրերը, որտեղ խորհուրդ է տրվում ավտոմեքենայի
շարժիչն անջատել, ինչպես նաև նավերում
տախտակամածի տակ գտնվող տարածքները, քիմիական
նյութերի տեղափոխման կամ պահեստավորման վայրերն
ու այն տարածքները, որտեղ օդը պարունակում է
քիմիական նյութեր կամ մասնիկներ, ինչպիսիք են
ավազահատիկը, փոշին կամ մետաղափոշին: Դուք պետք
է ստուգեք հեղուկ գազով (օրինակ՝ պրոպանով կամ
բութանով) աշխատող ավտոմեքենաներ արտադրողների
հետ, թե արդյո՞ք այս սարքը կարելի է անվտանգ
օգտագործել դրանց մոտակայքում:
Տեղեկություններ հավաստագրման մասին (SAR)
Սույն շարժական սարքը համապատասխանում է
ռադիոճառագայթմանը վերաբերող ուղեցույցներին
Ձեր շարժական սարքը ռադիոհաղորդիչ և ընդունիչ
սարք է: Այն նախագծված է այնպես, որպեսզի
չգերազանցի ռադիոճառագայթների ազդեցության
միջազգային ուղեցույցներով սահմանված
սահմանափակումները: Այդ ուղեցույցները մշակվել են
ICNIRP անկախ գիտական կազմակերպության կողմից
և ներառում են այն թույլատրելի սահմանները, որոնք
մշակված են բոլոր մարդկանց պաշտպանվածությունը
ապահովելու համար՝ անկախ նրանց տարիքից կամ
առողջական վիճակից:
Շարժական սարքերի ճառագայթման ուղեցույցը
Կլանման Տեսակարար Կշիռ (ԿՏԿ կամ SAR) կոչվող
չափման միավոր է օգտագործում: ICNIRP
ուղեցույցում նշված SAR-ի սահմանային արժեքը
միջինացված հյուսվածքային 10 գրամի վրա կազմում է
2.0 վատտ/կիլոգրամ (Վտ/կգ): SAR-ի չափման
փորձերը կատարվել են օգտագործման ստանդարտ
դիրքում, երբ սարքը հաղորդում է հաստատված
ամենաբարձր հզորության մակարդակով՝ ստուգվող
բոլոր հաճախությունների տիրույթներում: Գործող
սարքի իրական SAR-ի մակարդակը կարող է
առավելագույն արժեքից ցածր լինել, քանի որ այն
նախագծված է այնպես, որ օգտագործի ցանցին
միանալու համար անհրաժեշտ նվազագույն
հզորությունը: Այս արժեքը փոփոխվում է մի շարք
գործոններից կախված, մասնավորապես այն բանից, թե
ցանցի հաղորդակայանից ինչ հեռավորության վրա եք
գտնվում:
Համաձայն ICNIRP ուղեցույցի, սարքը ականջի մոտ
օգտագործելու դեպքում SAR-ի առավելագույն արժեքը
Լրասարքերի օգտագործումը կարող է SAR-ի տարբեր
արժեքների հանգեցնել: SAR-ի արժեքները կարող են
տարբեր լինել՝ կախված հաշվետվությունների և
չափումների ազգային պահանջներից և ցանցի
հաճախականության տիրույթից: SAR-ի վերաբերյալ
լրացուցիչ տեղեկություններ կարող են տրամադրվել
www.nokia.com կայքում` համապատասխան
արտադրանքի տեղեկատվական էջում:
ՀԱՄԱՊԱՏԱՍԽԱՆՈՒԹՅԱՆ ՀԱՅՏԱՐԱՐԱԳԻՐ
0434
Nokia-ն անցում է կատարում Եվրամիության
Ծանուցող մարմինների միջև, և այս արտադրանքը
ստացել է երկու Ծանուցող մարմինների
հավանությունը՝ որպես ԵՄ կանոնակարգերին
32
չպետք է գերազանցի 1.15 Վտ/կգ :
-ի
համապատասխանող արտադրանք: Ցույց տրված CE
նշաններից յուրաքանչյուրը կարող է անցման
ժամանակաշրջանի ընթացքում երևալ արտադրանքի
վրա:
NOKIA CORPORATION-ը սույնով հայտարարում
է, որ սույն RM-647 արտադրատեսակը
համապատասխանում է 1999/5/EC դիրեկտիվի
հիմնական պահանջներին և կիրառելի այլ դրույթների:
Համապատասխանության հայտարարագրին կարելի է
ծանոթանալ http://www.nokia.com/global/
declaration ինտերնետային էջում:
© 2011-2012 Nokia Բոլոր իրավունքները
պաշտպանված են:
Nokia, Nokia Connecting People և Navi Nokia
Corporation-ի ապրանքային կամ գրանցված
ապրանքային նշաններն են: Nokia tune ձայնային
ազդանշանը Nokia Corporation-ի ձայնային նշանն
է: Սույն փաստաթղթում հիշատակված այլ ապրանքների
և ընկերությունների անվանումներ կարող են
հանդիսանալ այլ անձանց պատկանող ապրանքային
նշաններ կամ ֆիրմային անվանումներ:
Արգելվում է սույն փաստաթղթի բովանդակության՝
որևէ եղանակով կատարված ամբողջական կամ
մասնակի վերարտադրությունը, փոխանցումը,
տարածումը կամ պահեստավորումը` առանց Nokia-ից
նախօրոք ստացված գրավոր թույլատվության: Nokia-ն
անընդհատ կատարելագործման քաղաքականություն է
վարում: Nokia-ն իրավունք է վերապահում, առանց
նախօրոք ծանուցելու, փոփոխություններ և
բարելավումներ կատարել սույն փաստաթղթում
նկարագրված որևէ արտադրանքի մեջ:
Կիրառելի օրենսդրությամբ նախատեսված
առավելագույնս թույլատրելի սահմաններում Nokia-ն
և վերջինիս լիցենզատուները ոչ մի պարագայում
պատասխանատվություն չեն կրում տվյալների կամ
եկամտի կորստի, իրական, կողմնակի, հետևանքային
կամ անուղղակի այս կամ այն վնասների համար, ինչ
պարագայում էլ որ դրանք պատճառված լինեն:
Սույն փաստաթղթի բովանդակությունը ներկայացվում է
«ինչպես որ կա»: Սույն փաստաթղթի ճշգրտության,
հավաստիության կամ բովանդակության առնչությամբ ոչ
մի երաշխիք՝ լինի դա պոզիտիվ արտահայտված, թե՝
ենթադրյալ (ներառյալ, բայց ոչ միայն վաճառքի և այս
կամ այն նպատակով օգտագործման համար
պիտանելիության ենթադրյալ երաշխիքները) չի
տրամադրվում, եթե օրենքով այլ բան նախատեսված չէ:
Nokia-ն իրավունք է վերապահում ցանկացած պահի
փոփոխել այս փաստաթուղթը կամ հետ կանչել այն՝
առանց նախօրոք ծանուցելու:
Արտադրանքների, հնարավորությունների, ծրագրերի և
ծառայությունների առկայությունը կարող է տարբերվել՝
տարածաշրջանից կախված: Լրացուցիչ
տեղեկությունների համար դիմեք Nokia-ի գործակալին
կամ ծառայություն մատուցողին: Սույն սարքը կարող է
պարունակել նյութեր, տեխնոլոգիաներ կամ ծրագրեր,
որոնց վրա տարածվում են ԱՄՆ կամ այլ երկրների
արտահանման օրենքները կամ կանոնակարգերը:
Օրենքը շրջանցելը կամ դրանից խուսափելն արգելված
է:
33
Հրատարակություն 3.2 HY